Әлмәт урманчылыгы һәм Әлмәт урман хуҗалыгының башлангыч һөнәри берлек оешмасы командасы «Иң яхшы агитбригада» конкурсында катнашкан
Узган атна ахырында Казанда Татарстан Республикасы Һөнәри берлекләр федерациясе оештырган «Иң яхшы агитбригада» республика конкурсы узды. Быел конкурс Яз һәм хезмәт бәйрәме алдыннан үткәрелде.
«Сәхнәдә театральләштерелгән тамаша берничә максатка корылган. Беренчедән, бу һөнәри берлекләрнең эше турында сөйләү һәм аларның эшчәнлегенә игътибар җәлеп итү, – дип сөйләде РФ Дәүләт учреждениеләре һәм җәмәгать хезмәте күрсәтү хезмәткәрләренең гомумроссия һөнәр берлегенең Татарстан республика оешмасы рәисе урынбасары Альбина Нәфыйкова. – Икенчедән, яшьләр арасында һөнәри берлекләрнең уңай имиджын формалаштыру, аны актив һөнәри берлек эшчәнлегенә җәлеп итү өчен төп һәм кыйммәтле ресурс булып тора.
Иң яхшы агитбригадага конкурста төп приз өчен Татарстан Республикасының төрле тармак һөнәри берлекләреннән ун команда көрәшкән. Катнашучыларның берсе – «Әлмәт урманчылыгы» ДКУ һәм «Әлмәт урман хуҗалыгы» ДБУ башлангыч һөнәри берлек оешмасы командасы.
Чыгышларда конкурста катнашучылар үзләренең талантларын, актерлык осталыкларын, тапкырлыкларын, иҗади сәләтләрен, шулай ук һөнәри берлек эшчәнлегенә үз мөнәсәбәтләрен күрсәткәннәр.