Ары урманчылыгының урман фонды территориясендә 27,4 гектар мәйданда санитар-савыктыру чаралары башкарылган
Татарстанның Биектау һәм Әтнә муниципаль районнарында урман утыртмаларының санитар торышын яхшырту буенча эшләр дәвам итә. «Хәзерге вакытта Ары урманчылыгындагы Ашыт кишәрлегенең 85 кварталының 23 бүлемтегендә санитар-савыктыру чаралары уздырыла, 7 кеше эшли, – дип сөйләде «Ары урман хуҗалыгы» ДБУ директоры Морат Ибраһимов. – Кишәрлекнең гомуми мәйданы 21,5 гектар тәшкил итә, эшләрне киләсе атнада төгәлләргә планлаштырабыз».
Аның сүзләренә караганда, быел Ары урманчылыгы территориясендә 60 га мәйданда санитар-савыктыру чаралары үткәреләчәк, шул исәптән 10 гектардан ликвид булмаган агачлар җыеп алыначак.
Исегезгә төшерәбез, санитар-савыктыру чаралары урманнарның санитар һәм урман-патологик торышын яхшырту, зарарлы организмнарның таралу куркынычын киметү, урман корткычлары һәм авыруларына каршы көрәшү, урман утыртмаларының үз максатчан функцияләрен тәэмин итү, шулай ук тискәре факторлар тәэсиреннән зыянны киметү максатларында үткәрелә.