ТР мәктәп урманчылыкларының «Халык традицияләрендә – урман» VI слетының икенче көнен бай программа озата барды
Бүген «Лубян урман-техник кцллияте» ДБҺБУ базасында ТР мәктәп урманчылыкларының «Халык традицияләрендә – урман» VI слеты кысаларында төрле белем бирү программалары һәм мастер-класслар оештырылды.
Әйтик, «Рослесинфорг» федераль дәүләт бюджет учреждениесенең Казан филиалы экспертлары укучыларга урман төзелеше, урманчылыкларның чикләрен билгеләү буенча башкарылган эшләр, «Рослесозащита» ФБУ филиалы Татарстан Республикасы Урманнарны саклау үзәге урман патологиясенә мониторинг максатлары һәм бурычлары, урман үсемлекләренең орлыкларын тикшерү үзенчәлекләре турында сөйләделәр, «ВНИИЛМ» ФБУ булган Көнчыгыш-Европа урман сынау станциясе урман тармагында соңгы фәнни тикшеренүләр нәтиҗәләре турында җиткерде.
«Урман янгыннарын сүндерү үзәге» ДБУ белгечләре тарафыннан «Урманнарны янгыннардан саклау» дигән мастер-класс үткәрелде. Алар мәктәп урманчылыкларында тәрбияләнүчеләрне урман янгыннарының төп төрләре һәм сәбәпләре, урманнарны янгынга каршы төзекләндерү буенча чаралар комплексы тормышка ашырыла торган чаралар комплексы белән таныштырдылар, янгынны сүндергәндә кулланыла торган урман янгыннарын сүндерү җиһазларын күрсәттеләр.
Шул ук вакытта укучылар сәнгатьле рәсем, туздан үрү, кәрҗин үрү, креатив бижутерия ясау һ.б. буенча мастер-классларда катнаштылар. Аларны республиканың Саба, Минзәлә, Алабуга, Мамадыш, Зеленодольск, Арча, Кызыл Йолдыз урман хуҗалыклары хезмәткәрләре һәм «Лубян урман-техник көллияте» ДБҺБУ укытучылары оештырды.
«Бүген бик бай һәм кызыклы программа булды, – дип сөйләде «Яшел планета» мәктәп урманчылыгы тәрбияләнүчесе Камил Сабирҗанов. – Мин слетта инде икенче тапкыр катнашам. Төп конкурстан тыш, узган елдан бирле барысы да диярлек үзгә. Миңа Рослесинфорг лекциясе бик ошады, мин урман төзелеше өлкәсендә күп яңалык белдем.