13-14 сентябрьдә Иркутскида «Россия урманнары» форумы узачак
2023 елның 13-14 сентябрендә Иркутск шәһәрендә «Россия урманнары» форумы узачак.
Аның кысаларында пленар утырыш, шулай ук илнең урман сәнәгате комплексын үстерү, урман янгыннарын ачыклау һәм бетерү, урман тармагын цифрлаштыру һәм урманнарның климат көн тәртибенә керткән өлешенә багышланган түгәрәк өстәлләр сериясе узачак. Шулай ук форумда яшьләр урман проектлары, инициативалар һәм тикшеренүләр тәкъдим ителәчәк.
Форум эшендә Россия Хөкүмәте, Иркутск өлкәсе, Россия Табигать министрлыгы, Рослесхоз, Россия Сәнәгать һәм сәүдә министрлыгы вәкилләре, урман сәнәгате комплексы, фәнни берләшмәләр һәм волонтерлык оешмалары вәкилләре катнашачак.
Моннан тыш, форум кысаларында «Урманны саклыйк» Бөтенроссия акциясенең агачлар утырту, «Сибэкспоцентр»да үзебезнең ил урман техникасы һәм җиһазлары күргәзмәсе узачак.
«Россия урманнары» форумына 1 сентябрьгә кадәр сылтама буенча теркәлеп була.
Белешмә өчен:
Форумны оештыручылар: Россия Федерациясе Табигый ресурслар һәм экология министрлыгы, Федераль урман хуҗалыгы агентлыгы, Россия Федерациясе Сәнәгать һәм сәүдә министрлыгы, Иркутск өлкәсе хөкүмәте.
Федераль урман хуҗалыгы агентлыгы матбугат хезмәте