ТР Аксубай муниципаль районында урман хуҗалыгын алып бару мәсьәләләре буенча йомгаклау семинар-киңәшмәсе узды

2023 елның 8 сентябре, җомга

Аксубай урманчылыгының Ибрай кишәрлеге территориясендә урман хуҗалыгын алып бару мәсьәләләре буенча район семинар-киңәшмәсе үтте. Чарада «Аксубай урманчылыгы» ДКУ һәм «Аксубай урман хуҗалыгы» ДБУ хезмәткәрләре катнашты.

Семинар-киңәшмә барышында анда катнашучылар быел урманнарны торгызу, урман культураларын тулыландыру, янгынга каршы юлларны реконструкцияләү, шулай ук башкарылган санитар-сәламәтләндерү чараларының сыйфатын бәяләделәр.

Питомник хуҗалыгына аерым игътибар бирелде. Урманчылар базислы урман питомнигын карадылар һәм 2022 һәм 2023 елларда чәчүлекләрнең торышын тикшерделәр.