Татарстан белгечләре агач аударучылар арасында «Урман кисүче-2023» Россия чемпионаты призерлары булдылар
Иркутск шәһәрендә узган агач кисеп аударучылар арасында «Урман кисүче-2023» VIII Россия чемпионаты тәмамланды. Чемпионатта илнең 17 төбәгеннән 19 команда катнашкан, барлыгы 78 катнашучы исәпләнә. Профессионаллар бензопычкы чылбырын алыштыру, аркылы кисү, агач кисеп аудару, ботакларны кисү һәм гомуми эстафетада үз осталыкларын күрсәткән.
Татарстан Республикасы командасын Нурлат һәм Саба урман хуҗалыклары белгечләре тәкъдим итте.
Бүләкләү тантанасында Иркутск өлкәсе губернаторы Роман Колесов чыгыш ясаган. Ул катнашучыларга ике көн тырышып эшләгәннәре өчен рәхмәт белдергән һәм чемпионатның авыр, әмма кызыклы – урманда агач кисеп аударучы һөнәрен үстерү һәм популярлаштыру өчен зур әһәмияткә ия булуы турында әйткән.
Татарстан Республикасы вәкилләре чемпионатта яхшы нәтиҗәләр күрсәтеп, абсолют беренчелектә призер булганнар – икенче урынны алганнар. Шулай ук команда урманда агач кисеп аударучылар арасында зачетта өченче урынны алганнар. Моннан тыш, Георгий Захаров – юниорлар арасында беренче, Елена Сафиуллина – хатын-кызлар арасында өченче урында.