ТР урман хуҗалыгы министры Равил Кузюров гадәттән тыш хәлләрне кисәтү һәм бетерү һәм янгын куркынычсызлыгын тәэмин итү буенча Хөкүмәт комиссиясе утырышында катнашты
Бүген РФ Гражданнар оборонасы гадәттән тыш хәлләр һәм табигать афәтләре нәтиҗәләрен бетерү министрлыгында гадәттән тыш хәлләрне кисәтү һәм бетерү һәм янгын куркынычсызлыгын тәэмин итү буенча Хөкүмәт комиссиясе утырышы узды. Аны РФ гражданнар оборонасы, гадәттән тыш хәлләр һәм табигать афәтләре нәтиҗәләрен бетерү буенча министры Александр Куренков үткәрде. Утырышка шулай ук Татарстан урман хуҗалыгы министры Равил Кузюров та кушылды.
Докладлар белән Хөкүмәт комиссиясе әгъзалары – РФ Табигать ресурслары һәм экология министрлыгы, Россия Федераль урман хуҗалыгы агентлыгы (Рослесхоз), РФ Гражданнар оборонасы эшләре, гадәттән тыш хәлләр һәм табигать афәтләре нәтиҗәләрен бетерү министрлыгы вәкилләре чыгыш ясады.
Киңәшмә барышында 2023 елда урманнарны янгыннан саклау эшенә йомгак ясалды, урманнарда янгын куркынычсызлыгын тәэмин итү мәсьәләләре тикшерелде һәм киләсе елга бурычлар куелды. Киңәшмәдә катнашучылар су басуларны һәм табигый янгыннарны кисәтү һәм булдырмый калу буенча кирәкле чаралар комплексын карадылар, шулай ук проблемалы мәсьәләләр буенча фикер алыштылар һәм 2024 елның беренче яртыеллыгына гадәттән тыш хәлләрне кисәтү һәм бетерү һәм янгын куркынычсызлыгын тәэмин итү планы кысаларында ведомствоара хезмәттәшлекнең алга таба алгоритмын эшләделәр.
Александр Куренков җирле үзидарә органнарының урман янгыннары куркынычы янаган торак пунктларны янгынга каршы төзекләндерү вәкаләтләрен гамәлгә ашыру буенча контроль-күзәтчелек чараларын үткәрүне дәвам итәргә кушты.