Татарстан Республикасында урман утыртуларын урман патологиясе буенча тикшерү эшләре дәвам итә
Татарстан Республикасында урман утыртуларын урман патологиясе буенча тикшерү эшләре дәвам итә. Татарстан Республикасы Урман хуҗалыгы министрлыгының урман фондын саклау секторы белгечләре биргән мәгълүматлар буенча, агымдагы елның 3 ноябренә барлыгы 39,6 мең га мәйданда урман утыртмалары тикшерелгән. Шуларның 3,2 мең гектары – инструменталь ысул белән, 36,4 мең гектары – визуаль ысул белән. Эшләрне «Рослесозащита» ФБУ филиалы – Татарстан Республикасы Урманны саклау үзәге һәм республика урман хуҗалыклары белгечләре башкара.
Урман патологиясе буенча тикшеренүләр урманнарның хәзерге санитар һәм урман патологиясе торышын билгеләү максатыннан үткәрелә. Моннан тыш, тикшерүләр барышында санитар-савыктыру чараларын үткәрү өчен кирәкле документлар әзерләнә. Мондый чаралар «Экология» илкүләм проектының «Урманнарны саклау» федераль проектын тормышка ашыруга ярдәм итә.