«Зеленый Зачет» Бөтенроссия экологик белем дәрәҗәсен бәяләү конкурсы башланды
Бүген Россиядә «Зеленый Зачет» экологик белем дәрәҗәсен бәяләү конкурсы башланды. Конкурсны оештыручылар булып «Компас» экологик инициативаларга ярдәм итү һәм үстерү фонды, Д.И. Менделеев исемендәге Россия химия-технология университеты һ.б. тора. Шунысын да билгеләп үтәргә кирәк, мондый конкурсны үткәрү «Экология» илкүләм проектын тормышка ашыруга ярдәм итә.
«Зеленый Зачет» – экологик белемнәрне популярлаштыруга юнәлдерелгән экологик-агарту проекты.
Тестларда 8-11 сыйныф укучылары, югары уку йортларының һәм урта һөнәри белем бирү учреждениеләренең 1-2 курс студентлары катнаша ала.
Конкурс кысаларында катнашучыларга 26 сорауга җавап бирергә туры киләчәк. Нәтиҗәләр 2023 елның 29 декабрендә игълан ителәчәк.
Тулырак мәгълүматны рәсми сайтта табып була: https://зеленыйзачет.рф.