Лубян урман-техник көллиятендә уку төркемнәренең ир-ат командалары арасында волейбол ярышлары узган
Кукмара муниципаль районының Лубян авылында Лубян урман-техник көллиятендә укучы төркемнәрдә ир-ат командалары арасында волейбол ярышлары узган. Чара ел саен үткәрелә торган Спартакиада кысаларында уздырылган.
Ярышлар нәтиҗәсендә беренче урынны 21 нче урман хуҗалыгы төркеме җыелма командасы яулаган, икенче урында – 31 нче урман хуҗалыгы төркеме командасы, өченче урында – 32 нче икътисад төркеме.
«Лубян урман-техник көллиятендә ел саен төрле спорт ярышлары үткәрелә, – дип сөйләде көллият директорының тәрбия эшләре буенча урынбасары Наталья Сираҗетдинова. – Белем бирү эшчәнлеге белән беррәттән, без студентларны физик тәрбияләүгә һәм сәламәт яшәү рәвешен пропагандалауга аерым игътибар бирәбез».
Элегрәк спартакиада кысаларында Лубян урман-техник көллиятендә мини-футбол, өстәл теннисы, баскетбол һ.б. буенча ярышлар уздырылган.