Республикада ТР Урман хуҗалыгы министрлыгына караган оешмалар эшчәнлегенә йомгак ясау һәм бу елга бурычлар билгеләү буенча фикер алышу дәвам итә
Татарстанда ТР Урман хуҗалыгы министрлыгына караган оешмаларның 2023 елгы эшчәнлегенә йомгак ясау дәвам итә. Бүген ТР урман хуҗалыгы министрының беренче урынбасары Илгизәр Зарипов «Мамадыш урманчылыгы» ДКУ һәм «Мамадыш урман хуҗалыгы» ДБУ хезмәткәрләре катнашында шундый киңәшмә үткәрде. Утырыш Мамадыш шәһәрендәге хакимият бинасында узды, анда муниципаль район башлыгы Анатолий Иванов катнашты.
Докладлар белән җитәкче-урманчы Әхәт Хәсәнов, урман хуҗалыгы директоры Раил Сәлахов һәм кадрлар буенча белгеч, башлангыч һөнәри берлек оешмасы рәисе Ольга Булашова чыгыш ясады.
Әхәт Хәсәнов 2023 елда башкарылган урман культуралары, урманнарны саклау, урман хуҗалыгы һәм урман әзерләү эшләре, янгын куркынычы янаган һәм урман культуралары сезонына әзерлек барышы, «Хәтер бакчасы» халыкара акциясе һ.б. турында сөйләде.
Утырышка йомгак ясап, министрның беренче урынбасары Илгизәр Зарипов белгечләргә «Татарстан Республикасында урманнарны саклау» төбәк проектын гамәлгә ашыру, урман законнарын бозуларны кисәтү һәм ачыклау, шулай ук халык арасында урманнарда янгын куркынычсызлыгы кагыйдәләре таләпләрен үтәү буенча агитация-аңлату эшләрен алып баруга бәйле берничә йөкләмә бирде.
Шулай ук бүген Илгизәр Зарипов «Кама урманчылыгы» ДКУ һәм «Кама урман хуҗалыгы» ДБУ эшчәнлеге йомгаклары буенча да шундый ук киңәшмәдә катнашты. Очрашу Кама урман хуҗалыгы авылындагы урманчылык бинасында узды, анда шулай ук район башкарма комитеты җитәкчесе Олег Павлов та катнашты.
2023 елда урманнарны саклау һәм яңадан үрчетү буенча комплекслы эшләр башкаруга дәүләт йөкләмәсен үтәү нәтиҗәләре турында җитәкче-урманчы Альберт Шамилов хәбәр итте.
Шулай ук урман хуҗалыгы директоры Фәрит Мөэминов һәм урманны торгызу буенча инженер, башлангыч һөнәри берлек оешмасы рәисе Әлфия Малкова эшчәнлекнең нәтиҗәләре һәм юнәлешләре турында хәбәр иттеләр.
«Узган ел нәтиҗәле эшләгәнегез өчен барыгызга да рәхмәт белдерәм, – дип билгеләп үтте министрның беренче урынбасары Илгизәр Зарипов. – Киләсе чорга өстенлекле бурычлар – барлык урман торгызу эшләрен сыйфатлы һәм вакытында башкару һәм янгын куркынычы янаган чорны гадәттән тыш хәлләрдән башка гына уздырып җибәрү».