ТР урман хуҗалыгы министры Равил Кузюров Алексеевск һәм Нурлат районнарында эш визиты белән булды
Бүген ТР урман хуҗалыгы министры Равил Кузюров эш визиты белән Алексеевск һәм Нурлат муниципаль районнарында булды.
Алексеевск районында министр Бутлерка авыл җирлеге гражданнары җыенында катнашты һәм 2023 елда «Биләр урманчылыгы» ТР ДКУ һәм «Биләр урман хуҗалыгы» ТР ДБУ эш йомгаклары һәм янгын куркынычы янаган һәм урман культуралары сезонына әзерлек мәсьәләләре буенча киңәшмә үткәрде.
Гражданнар җыены Юеш Көрнәле авылында узды, анда муниципаль район башлыгы Сергей Демидов катнашты. Чарада муниципаль берәмлекнең, авыл җирлегенең узган елгы социаль-икътисадый үсешенә йомгак ясалды һәм 2024 елга бурычлар билгеләнде.
Киңәшмә Алексеевск шәһәр тибындагы администрация бинасында узды. Докладлар белән җитәкче-урманчы Рамил Нуруллин, урман хуҗалыгы директоры Роберт Сибгатуллин һәм баш бухгалтер, башлангыч һөнәри берлек оешмасы рәисе Светлана Никифорова чыгыш ясады.
Рамил Нуруллин сөйләвенчә, узган ел «Татарстан Республикасында урманнарны саклау» төбәк проекты буенча 205,5 гектар мәйданда урман торгызу һәм урман үстерү буенча эшләр башкарылган, төп урман барлыкка китерүче токымнарның 367 кг орлыгы әзерләнгән һәм 660 мең данә стандарт утырту материалы үстерелгән.
Урманнарны саклау максатыннан, 815 гектар мәйданда урман-патологик тикшерү эшләре үткәрелгән, 15 гектарда ликвид булмаган агач җыю башкарылган.
Роберт Сибгатуллин – товар продукциясе җитештерү һәм агач китерү нәтиҗәләре, Светлана Никифорова узган елда башлангыч һөнәри берлек оешмасы эшчәнлеге турында хәбәр итте.
Утырыш ахырында министр Равил Кузюров быелга өстенлекле бурычлар билгеләде. Ул «Экология» илкүләм проекты кысаларында «Урманнарны саклау» төбәк проектын тормышка ашыруга, урманнарда янгын куркынычы сезонына әзерләнүгә һәм урман тармагын цифрлаштыруга җентекләп тукталды. «Шулай ук федераль дәүләт урман контролен (күзәтчелеген) һәм урман саклауны гамәлгә ашыруның нәтиҗәлелеген арттыру бурычы тора. Сездән бу юнәлештә эшне көчәйтүегез турында сорыйм», – дип ассызыклады ул.
Нурлат районында Равил Кузюров киңәшмә үткәрде, анда 2023 елда «Нурлат урманчылыгы» ТР ДКУ һәм «Нурлат урман хуҗалыгы» ТР ДБУ эш нәтиҗәләре каралды. Нурлат шәһәре администрациясе бинасында узган утырышта муниципаль район башлыгы Дамир Ишкинеев катнашты.
2023 елда урманнарны саклау, яклау һәм яңадан торгызу буенча эшләр комплексын башкаруга дәүләт йөкләмәсен үтәү нәтиҗәләре турында җитәкче-урманчы Рөстәм Галиев сөйләде.
Шулай ук докладлар белән урман хуҗалыгы директоры Спартак Еливанов һәм Восход кишәрлеге урманчысы, башлангыч һөнәри берлек оешмасы рәисе Илдар Йосыпов чыгыш ясады.
Утырышка йомгак ясап, министр ведомство карамагындагы учреждениеләр белгечләренә намуслы хезмәтләре һәм үз эшенә тугрылыклары өчен рәхмәт белдерде. «Сездән 2024 елда урманнарда янгын чыгу куркынычы янаган чорга әзерлек һәм гражданнарның, шәхси эшкуарларның һәм юридик затларның янгын куркынычсызлыгы таләпләрен үтәвен контрольдә тоту мәсьәләләренә аерым игътибар бирүегезне сорыйм», – диде ул.