Равил Кузюров Денисовлар хезмәт династиясенә рәхмәт белдерде
Бүген Нурлат муниципаль районына эш сәфәре кысаларында ТР урман хуҗалыгы министры Равил Кузюров Денисовлар хезмәт династиясенә рәхмәт белдерде. Нурлат шәһәре администрациясе бинасында узган чара Россия Президенты Владимир Путин Указы белән игълан ителгән Гаилә елы кысаларында оештырылды.
Денисовлар династиясенең гомуми хезмәт стажы – 100 ел. Денис Денисов хәзерге вакытта «Нурлат урман хуҗалыгы» дәүләт бюджет учреждениесенең Чулпан кишәрлеге мастеры, аның хатыны Анастасия – «Нурлат урманчылыгы» дәүләт бюджет учреждениесенең урманны саклау инженеры булып эшли. Денис – өченче буын вәкиле, аның әтисе Петр Владимирович аның янында урман хуҗалыгында бүрәнәләрне бүлү ярдәмчесе вазыйфасында эшли, бабасы Владимир Егорович озак вакыт Октябрьский урман сәнәгате хуҗалыгында агачларны тарттыручы тракторчы вазыйфасында эшли (хәзер – «Нурлат урман хуҗалыгы» ТР ДБУ).
«Без әйләнә-тирә мохитне саклауга өлеш кертүчеләрне хөрмәтләүне дәвам итәбез, урман хуҗалыгын үстерүгә, киләчәк буыннар өчен «яшел» байлыкны саклауга һәм арттыруга ярдәм итүчеләрне хөрмәтлибез, – дип билгеләп үтте Равил Кузюров. – Хезмәт династияләре – безнең горурлыгыбыз һәм ышанычлы таянычыбыз. Фидакарь хезмәтегез, үз эшегезгә чиксез тугрылыгыгыз һәм иң яхшы традицияләрне саклаганыгыз өчен чын күңелдән рәхмәт белдерәм».