ТР Урман селекция-орлыкчылык үзәгендә массакүләм мәгълүмат чаралары вәкилләре өчен матбугат туры узды
Бүген ТР Урман селекция-орлыкчылык үзәгендә массакүләм мәгълүмат чаралары вәкилләре өчен матбугат туры узды. Матбугат туры кысаларында массакүләм мәгълүмат чаралары вәкилләре 2024 елда «Экология» илкүләм проектының «Урманнарны саклау» федераль проекты кысаларында «Татарстан Республикасында урманнарны саклау» төбәк проектын гамәлгә ашыру планнары турында белделәр, ТР Урман селекция-орлыкчылык үзәгенең җиһазландырылу дәрәҗәсен бәяләделәр, урман орлыкларын эшкәртү, ылыслы токым орлыкларын чәчү һәм чәчүлекләрне үстерү процесслары белән таныштылар.
Чарада ТР урман хуҗалыгы министры урынбасары Рәис Гомәров катнашты.
Ул быел «Экология» илкүләм проектының «Татарстан Республикасында урманнарны саклау» федераль проектының «Татарстан Республикасында урманнарны саклау» төбәк проекты кысаларында 2,5 мең мәйданда урманнарны торгызу буенча эшләр башкарылачагы турында сөйләде.
«Урманнарны саклау» төбәк проектының өстәмә күрсәткечләре булып «урманны торгызу һәм үстерү өчен урман үсемлекләре орлыклары запасы» һәм «урман үсемлекләренең үстерелгән утырту материалы күләме» тора, – дип хәбәр итте Рәис Гомәров. – Быел 20,4 тонна орлык әзерләү һәм 30,8 миллион данә чәчүлек үстерү планлаштырыла».
Журналистларга ТР Урман селекция-орлыкчылык үзәгенең җитештерү куәте елына ябык тамыр системасы булган 12 млн.данә утырту материалы тәшкил итә дип сөйләделәр. Комплекс 11,3 га мәйданны били, аларда 4 теплица, 13 үстереп бетерү кыры, чәчүлекләрне суыту һәм саклау корпусы, 2 склад һәм башка объектлар урнашкан.
Хәзерге вакытта үзәктә гади нарат һәм Европа чыршысы орлыклары чәчелә. Беренче ротация кысаларында барлыгы 4 млн.данә орлык чәчеләчәк.