Минзәлә урманчылыгы мастеры Илнур Латыйпов «Ивушка» мәктәп урманчылыгында тәрбияләнүчеләр өчен экологик дәрес үткәргән

2024 елның 28 феврале, чәршәмбе

«Минзәлә урманчылыгы» ДКУ Мөслим кишәрлеге урманчылыгы мастеры Илнур Латыйпов Мөслим гимназиясенең «Ивушка» мәктәп урманчылыгында тәрбияләнүчеләр өчен «Кошлар – безнең дуслар» темасына дәрес үткәргән.

Дәрес барышында урман мастеры укучыларга Татарстанның урман хуҗалыгы, кошлар һәм аларның табигатьтәге роле, шулай ук кошларны тукландыру кагыйдәләре турында сөйләгән.

«Кошлар өчен иң куркыныч вакыт – кыш ахыры, барлык уңайлы җимешләр, җиләкләр, орлыклар инде ашалып беткән була һәм аларга азык җитми башлый» , – дип хәбәр иткән Илнур Латыйпов.

Дәресләрдән соң балалар гимназия территориясендә кошлар өчен җимлекләр элеп чыкканнар.