Лаеш урман хуҗалыгы хезмәткәрләре 2024 елның язгы урман культурасы кампаниясенә әзерләнәләр
Лаеш урман хуҗалыгы хезмәткәрләре 2024 елның язгы урман культурасы кампаниясенә әзерләнәләр. «Кичә питомникта кар катламын тизрәк эретеп бетерү һәм туфрактагы дымны саклап калу өчен көл сибү эшләре башкарылды, – дип сөйләде урман хуҗалыгы директоры вазыйфаларын башкаручы Марат Кыямов. – Чаралар 0,5 гектар мәйданда үтәлде, 3 кеше җәлеп ителде».
Аның сүзләренә караганда, быел урман культуралары сезоны кысаларында Лаеш урманчылыгы территориясендә 12 гектар мәйданда – урманны торгызу һәм урман үстерү, 103,9 гектарда – урман культураларын агротехник карау, 40 гектарда – урман культураларын тулыландыру, 0,5 гектарда орлык чәчү буенча эшләр башкарылачак.
«Кирәкле техника һәм җиһазлар әзер, – дип өстәде Марат Кыямов. – Утырту материалы да җитәрлек. Узган ел без 670 мең данә чәчүлек һәм үсенте үстердек».