Премьер-министр Илдар Халиков: “Һәр иртәне агач утыртудан башларга кирәк”

Иртә таңнан Шәһәр яны урманчылыгы питомнигыннан Казансу ярындагы Федосеев скверына утырту өчен чыршы үсентеләре ташып куелды. Агач утырту акциясенә, үзенең эш көне башланыр алдыннан, Татарстанның Премьер-министры Илдар Халиков чыкты. Урман хуҗалыгы министры Наил Мәһдиев белән бергә, скверда алар да чыршы үсентеләре утырттылар. Бу чарага шулай ук Татарстан Министрлар Кабинеты Аппараты белгечләре һәм хезмәткәрләре кушылды. “Казан-Арена” стадионы территориясен төзекләндерүдә исә ТР Президенты Аппараты җитәкчесе А.Сәфәров һәм Аппарат белгечләре, Фукс скверын төзекләндерүдә – ТР Дәүләт Советы депутатлары катнашты.