«Табигать варислары» мәктәп урманчылыгында тәрбияләнүчеләр «Чиста яр» экология акциясен уздырган

2024 елның 24 мае, җомга

Арча муниципаль районының Лесхоз урта гомуми белем бирү мәктәбендә «Табигать варислары» мәктәп урманчылыгында тәрбияләнүче балалар «Чиста яр» экологик  акциясен үткәргән. Балалар Казансу елгасы ярын чүп-чардан чистартып, алар көче белән 2 км озынлыктагы урын төзекләндерелгән.

Чара «Экояз-2024» республика конкурсы кысаларында оештырылган.

«Без мондый акцияләрне системалы рәвештә үткәрәбез, – дип сөйләде директорның тәрбия эше буенча урынбасары, берләшмә җитәкчесе Фирая Гайнанова. – Мондый өмәләр вакытында укучыларның күмәкләшеп эшләү күнекмәләре формалаша, хезмәт сөючәнлек һәм табигатькә җаваплы мөнәсәбәт үсә».