Болгар урманчылыгының урман фонды территориясендә 10,2 гектар мәйданда санитар-савыктыру чаралары үтәлгән
Болгар урманчылыгының урман фонды территориясендә урман утыртмаларының санитар хәлен яхшырту буенча эшләр дәвам итә. «Бүгенге көндә санитар-савыктыру чаралары 10,2 гектар мәйданда башкарылды, – дип сөйләде урман хуҗалыгы директоры Хәйдәр Хәбибуллин. – Хәзерге вакытта эшләр Спас кишәрлегенең 23 нче кварталында һәм Никольск кишәрлегенең 102 нче кварталында алып барыла, 6 кеше хезмәт куя».
Аның сүзләренә караганда, быел Болгар урманчылыгы территориясендә 21 гектар мәйданда санитар-савыктыру чаралары үтәләчәк.
Исегезгә төшерәбез, санитар-савыктыру чаралары урманнарның санитар һәм урман-патологик торышын яхшырту, зарарлы организмнарның таралу куркынычын киметү, урман корткычлары һәм авыруларына каршы көрәшү, урман утыртмаларының үз максатчан функцияләрен тәэмин итү, шулай ук тискәре факторлар тәэсиреннән зыянны киметү максатларында үткәрелә.