Арча урманчылыгы тарафыннан Лубян урман-техник көллиятенә абитуриентлар өчен үзәкләштерелгән сәфәр оештырылган

2024 елның 23 июле, сишәмбе

Арча урманчылыгы тарафыннан Лубян урман-техник көллиятенә абитуриентлар өчен үзәкләштерелгән сәфәр оештырылган. Балалар урман торгызу инженеры Марсель Низамиев озатуында уку аудиторияләрен, китапханәне, музейны һәм көллиятнең башка урыннарын карап, тулай торакларда яшәү шартлары белән танышканнар.

«Мәгълүмати экскурсия һәм дустанә атмосфера ярдәмендә абитуриентлар Лубян урман-техник көллиятенә укырга керергә карар итүнең дөрес булуына инандылар, – дип шәрехләде Марсель Низамиев. – Укучылар укытучыларның һөнәри осталыгы, заманча җиһазлары һәм практик белем алу мөмкинлекләре белән таң калды. Алар урман хуҗалыгы өлкәсендә үз сәләтләрен табарлар һәм үз хыялларын тормышка ашырырлар, дип ышанам».