Нурлат урман хуҗалыгы белгечләре урман питомнигында чәчүлекләрне карау буенча эшләр алып бара
«Нурлат урман хуҗалыгы» ДБУ хезмәткәрләре урман питомнигындагы чәчүлекләрне карау буенча эшләр башкара. Чаралар «Экология» илкүләм проектының «Урманнарны саклау» федераль проектының «Татарстан Республикасында урманнарны саклау» төбәк проектында каралган.
Урман хуҗалыгы директоры Спартак Еливанов сөйләвенчә, питомник Нурлат урманчылыгының Восход кишәрлеге урманчылыгының 6 кварталында урнашкан, аның мәйданы 5,8 гектар тәшкил итә.
«Быел питомникта 0,8 гектарда нарат, имән һәм корычагач орлыклары чәчелде. Шытымнары яхшы. Аларны карау буенча чаралар комплексына туфракны йомшарту, чүп үләннәрен бетерү һәм су сибү керә, – диде ул. – Шулай ук ике, өчьеллык чәчүлекләр дә карала».
«Сентябрь-октябрь айларында утырту материалына инвентаризация үткәрәчәкбез, – дип өстәде Спартак Еливанов. – План нигезендә, быел 750 мең данә чәчкеч һәм үсенте үстерергә кирәк».