Яңа уку елы алдыннан ТР Урман хуҗалыгы министрлыгына караган оешмаларда булачак беренче сыйныф укучыларына канцелярия кирәк-яраклары тапшырылды
Яңа уку елы алдыннан ТР Урман хуҗалыгы министрлыгына караган оешмаларда булачак беренче сыйныф укучыларына канцелярия кирәк-яраклары җыелмасы тапшырылды.
«Әлеге акция ел саен үткәрелә, – дип сөйләде беренчел профсоюз оешмасы рәисе, Министрлыкның оештыру эшләре бүлеге җитәкчесе Наталья Тюкаева. – Без хезмәттәшләребезнең һәм аларның балаларының эшен югары бәялибез, аларга уку елына әзерләнүдә ярдәм итәргә телибез. Мәктәп җыелмалары күңелле һәм файдалы бүләкләр булыр дип өметләнәбез. Барлык беренче сыйныф укучыларына җиңүләр, яңа биеклекләргә ирешүдә сабырлык һәм яхшы билгеләр телибез».
Аның сүзләренчә, быел ТР Урман хуҗалыгы министрлыгы һәм аның карамагындагы учреждениеләр хезмәткәрләренең 80 баласы канцелярия кирәк-яраклары җыелмасын алган. Әлеге инициатива Министрлыкның, урманчылыкларның һәм урман хуҗалыкларының башлангыч һөнәри берлек оешмасы ярдәме белән тормышка ашырылды.