Рослесхоз: урман декларациясен карау срогы 5 эш көненнән 4 эш көненә кадәр кыскартылды
2024 елның 1 сентябреннән урман декларациясен тутыру һәм тапшыру тәртибе үзгәртеләчәк. Элек тармак документына көчәйтелгән квалификацияле имза куела һәм 5 эш көне тикшерелә иде. Хәзер урманнан файдаланучылар гади электрон имза яки көчәйтелгән квалификациясез электрон имза куллана алачак.
«Әлбәттә, бу үзгәрешләр урманнан файдаланучылар тарафыннан урман декларациясенә кул кую һәм аны тапшыру механизмын сизелерлек гадиләштерә. Гади электрон имза алу һәм куллану өчен Дәүләт хезмәтләре порталында теркәлү дә җитә», – диде Рослесхозның Урманнарны хокукый тәэмин итү һәм файдалану идарәсе башлыгы Елена Бородавкина.
Шунысын да билгеләп үтәргә кирәк, урман декларацияләрен карау сроклары оборона һәм куркынычсызлык җирләрендәге урманнарга карата 9 эш көненнән 8 эш көненә кадәр кыскартылган.
Белешмә өчен:
*Россия Табигать министрлыгының 27.09.2023 ел, №627 боерыгы
Федераль урман хуҗалыгы агентлыгы матбугат хезмәте