Урман янгыннары үзәге хезмәткәре Дмитрий Неустроев «Иң яхшы урман янгын сүндерүчесе-2024» Бөтенроссия конкурсында катнашачак
2024 елның 10-13 сентябрендә Мәскәү өлкәсенең Пушкин һәм Сергиево-Посад шәһәре округларында халыкара катнашып, «Иң яхшы урман янгын сүндерүчесе – 2024» Х Бөтенроссия конкурсының федераль этабы узачак.
Урман янгын сүндерүчеләре ярышларның өч этабында катнашачак: кисешкән җирләрдә йөгерү буенча физик әзерлек, урманнарда спорт ориентиры һәм урман янгыннары полосасы каршылыкларын җиңү.
Иң яхшы урман янгын сүндерүчесе исеме өчен Россиянең 20 төбәгеннән 24 кеше көрәшәчәк, шул исәптән Беларусь Республикасы вәкилләре дә. Татарстан Республикасыннан «Урман-янгын үзәге» ТР ДБУ хезмәткәре Дмитрий Неустроев чыгыш ясаячак.
«Иң яхшы урман янгын сүндерүчесе» Бөтенроссия конкурсы ел саен урман янгын сүндерүчесе хезмәтенең абруен күтәрү максатында үткәрелә. Ярышларда катнашучылар үзләренең хезмәттәге казанышларын күрсәтеп кенә калмыйча, урман янгыннарын сүндерүдә тәҗрибә дә уртаклашачаклар», – дип сөйләде Рослесхоз җитәкчесе урынбасары Алексей Венглинский.
Исегезгә төшерәбез, «Иң яхшы урман янгын сүндерүчесе» конкурсы 2015 елдан бирле үткәрелә. Аны Федераль урман хуҗалыгы агентлыгы һәм «Авиалесохрана» ФБУ оештыра.