Урман янгыннарын сүндерү үзәге хезмәткәре Дмитрий Неустроев «Иң яхшы урман янгын сүндерүчесе-2024» Бөтенроссия конкурсында катнаша
«Иң яхшы урман янгын сүндерүчесе – 2024» X Бөтенроссия конкурсының федераль этабын ачу тантанасы Мәскәү өлкәсе Софрино поселогында Авиалесохрананың үзәк базасында булды. Конкурска Россия табигать ресурслары һәм экология министры урынбасары Сергей Аноприенко һәм Федераль урман хуҗалыгы агентлыгы җитәкчесе Иван Советников старт бирде.
«Хөрмәтле, «Иң яхшы урман янгын сүндерүчесе» конкурсында катнашучылар, сез –геройлар, иң яхшылары, алгы сызыкта утны каршы алучылар. Сезнең роль һәм урман янгыннарына каршы көрәштә керткән өлешегез бәяләп бетергесез. Бу конкурста катнашу – үзегезнең ут белән профессиональ рәвештә эшләвегезне һәм урман янгыннарыннан зыян елдан-ел кимесен өчен эшләвегезне исбатлауның яхшы ысулы», – дип билгеләде Сергей Аноприенко.
Конкурста илнең 20 төбәгеннән, шулай ук Беларусь Республикасыннан урман янгынын сүндерүче 24 хезмәткәр катнаша. Татарстан Республикасыннан «Урман янгыннарын сүндерү үзәге» ТР ДБУ хезмәткәре Дмитрий Неустроев чыгыш ясый.
«Чыннан да, биредә иң яхшы белгечләр, иң көчлеләр җыелган. Барыгызга да уңышлар, гадел көрәш телим. Ярыш яхшы узсын, иң көчлесе җиңү яуласын!» – диде Иван Советников.
Шартларга ярашлы рәвештә, конкурста катнашучылар ярышларның өч этабында катнашачак: кисешкән җирләрдә йөгерү буенча физик әзерлек, урманнарда спорт ориентиры һәм урман янгыннары полосасы каршылыкларын җиңү.
Конкурсантларны контроль вакытны һәм штраф балларын исәпкә алып, баллар системасы буенча бәяләячәкләр. Иң яхшы урман янгын сүндерүчесен 13 сентябрьдә билгеләячәкләр.