Министрлыкта Татарстан Республикасы Урман хуҗалыгы министрлыгы каршындагы Коррупциягә каршы көрәш комиссиясе утырышы булды
Бүген Министрлыкта Татарстан Республикасы Урман хуҗалыгы министрлыгы каршындагы коррупциягә каршы көрәш комиссиясе утырышы булды.
Утырышны ТР урман хуҗалыгы министрының беренче урынбасары Илгизәр Зарипов ачты һәм эш регламентын игълан итте.
Чарада төп доклад белән дәүләт хезмәте һәм кадрлар мәсьәләләре секторы мөдире, коррупциячел һәм башка хокук бозуларны профилактикалау өчен җаваплы Эльвира Зыятдинова чыгыш ясады.
Эльвира Зыятдинова үз чыгышында катнашучыларны 2024 елның 9 аенда Татарстан Республикасы Урман хуҗалыгы министрлыгында коррупциягә каршы сәясәт чараларын гамәлгә ашыру йомгаклары белән таныштырды.
Асылда, ул хәбәр иткәнчә, быел дәүләт граждан хезмәткәрләре тарафыннан керемнәре, чыгымнары, мөлкәте һәм мөлкәт рәвешендәге йөкләмәләре турында, шулай ук иренең (хатынының) һәм балигъ булмаган балаларының керемнәре, чыгымнары, мөлкәтләре һәм мөлкәт рәвешендәге йөкләмәләре турында тапшырыла торган белешмәләрне кабул итү һәм аларның тулы булу-булмавын тикшерү эшләре дә башкарылган. Белешмәләрне Министрлыкның 45 хезмәткәре һәм ведомство карамагындагы учреждениеләрнең 59 җитәкчесе тәкъдим иткән.
«Министрлыкка дәүләт хезмәткәрләреннән башка түләүле эш башкару турында 2 хәбәр бирелгән иде, – дип өстәде спикер. – Шулай ук оешмалардан хезмәт килешүе, шул исәптән дәүләт граждан хезмәте вазыйфасын биләгән гражданин белән хезмәт килешүе төзү турында 4 хәбәр килде».
Ахырда Эльвира Зыятдинова Татарстан Республикасы Рәисенең Коррупциягә каршы сәясәт мәсьәләләре идарәсе тарафыннан әзерләнгән 2024 елның беренче яртыеллыгында коррупциягә каршы көрәш чараларын гамәлгә ашыру турында дәүләт хакимияте органнары һәм җирле үзидарә органнары тарафыннан тапшырылган хисапларны анализлау йомгаклары буенча чараларны гамәлгә ашыру турында аналитик күзәтүне тәкъдим итте («Мониторинг-К» формасы буенча).