Татарстанда 537,5 гектар мәйданда урманнарда санитар-савыктыру чаралары уздырылды

2024 елның 24 сентябре, сишәмбе

Татарстан Республикасында урман утыртмаларының санитар торышын яхшырту эшләре дәвам итә. ТР Урман хуҗалыгы министрлыгының урман фондын саклау секторы хезмәткәрләре белешмәләре буенча, быелның 24 сентябренә санитар-савыктыру чаралары 537,5 гектар мәйданда үткәрелгән, шул исәптән 451 гектарда ликвид булмаган агач җыеп алынган.

Исегезгә төшерәбез, бу төр эшнең максаты – утыртмаларның биологик тотрыклылыгын саклау, урманда патологик процессларның киң үсешен кисәтү, корткычлардан һәм авырулардан зыянны киметү.

Шунысын да билгеләп үтәргә кирәк, санитар-савыктыру чараларын үткәрү «Экология» илкүләм проектын тормышка ашыруга ярдәм итә.