ТР Мамадыш муниципаль районы мәктәпләре укучылары Лубян урман-техник көллиятендә булганнар
Мамадыш муниципаль районы мәктәпләре укучылары «Лубян урман-техник көллияте» ДБҺБУ булганнар. Чара «Мамадыш урманчылыгы» ДКУ һәм «Мамадыш урман хуҗалыгы» ДБУ ярдәмендә һөнәри юнәлеш бирү эше кысаларында оештырылган.
Экскурсия барышында укучылар Татарстан Республикасының урман хуҗалыгы, Лубян урман-техник көллиятенең тарихы, студентлар өйрәнә торган белгечлекләр һәм дисциплиналар, мәдәни-массакүләм һәм спорт чаралары турында белгәннәр. Моннан тыш, балалар уку аудиторияләрен, китапханәне, музейны һәм көллиятнең башка бүлмәләрен күреп, студентларның тулай торакларда яшәү шартлары белән танышканнар.
«Экскурсия кызыклы һәм бай булды, – дип сөйләде «Мамадыш урманчылыгы» ТР ДКУ урман торгызу буенча инженеры Илфат Закиров. – Балаларга монда бик ошады, кайберәүләр киләчәк һөнәр сайлау һәм әлеге көллияттә белем алу турында уйланды».