Саба урман хуҗалыгы белгечләре саклагыч урман утыртмалары утырту буенча эш уздырдылар

2024 елның 2 ноябре, шимбә

«Саба өйрәнү-сынау урман хуҗалыгы» ДБУ белгечләре тарафыннан «2013-2025 елларга Татарстан Республикасында авыл хуҗалыгын үстерү һәм авыл хуҗалыгы продукциясе, чимал һәм азык-төлек базарларын җайга салу» дәүләт программасы кысаларында агымдагы елның көзендә 303,7 гектар мәйданда саклагыч урман утыртмалары булдыру буенча эшләр башкарылды, шул исәптән террасалау юлы белән – 186,7 гектар.

Исегезгә төшерәбез, бүгенге көндә республикада барлык яклагыч урман утыртмаларының гомуми мәйданы 145 мең га тәшкил итә. Соңгы 10 елда мондый утыртмалар 23 мең га мәйданда утыртылган.