Татарстанда табигатьне саклау прокуратурасы Казан шәһәренең 14 предприятиесендә калдыклар белән эш итү өлкәсендә закон бозуларны ачыклады

2024 елның 20 ноябре, чәршәмбе

Казан районара табигатьне саклау прокуратурасы калдыклар белән эш итү өлкәсендәге законнар үтәлешен тикшерде.

Закон таләпләрен бозып, Казанның 14 предприятиесе «Федераль экология операторы» федераль дәүләт унитар предприятиесенә I һәм II класслы хәвефлелектәге калдыкларны исәпкә алу һәм аларның әйләнешен контрольдә тоту федераль дәүләт мәгълүмат системасына кертү өчен барлыкка килгән калдыклар турында мәгълүмат тапшырмаган.

Закон бозуларны бетерү максатларында прокуратура предприятие җитәкчеләренә тәкъдимнәр кертте, алар карауда.

Закон бозуларны бетерү прокуратура контролендә тора.