Рослесхозда УК ФДМС системасын кертү мәсьәләләре буенча киңәшмә узды
Бүген Федераль урман хуҗалыгы агентлыгында урман комплексының федераль дәүләт мәгълүмат системасын гамәлгә кертү мәсьәләләре буенча видеоконференция режимында киңәшмә узды. Аны Рослесхоз җитәкчесе урынбасары Вячеслав Спиренков үткәрде.
Чарада РФ урман хуҗалыгы белән идарә итү органнары вәкилләре, шул исәптән Татарстан Республикасыннан – ТР урман хуҗалыгы министрының беренче урынбасары Илгизәр Зарипов, Министрлыкның структур бүлекчәләре җитәкчеләре катнашты.
Киңәшмә барышында УК ФДМС белешмәләр кертү, дәүләт хезмәтләре күрсәтү мәсьәләләре каралды.
Вячеслав Спиренков ассызыклаганча, УК ФДМС тулысынча эшләтеп җибәрүгә бер айдан артык вакыт калды һәм 2025 елның 1 гыйнварыннан илнең барлык субъектлары эшли башлаячак һәм система аша дәүләт урман реестрын алып барачак.
«Регионнарга УК ФДМС ретроспектив мәгълүматларны йөкләү мәсьәләсендә тизләшергә кирәк, - диде ул. – Хәзерге вакытта системага урман декларацияләре, урман кисүчеләрнең таксацион тасвирламалары, урман кишәрлекләре турындагы белешмәләр, урманнан файдаланучыларның хокукны билгели торган документлары кертелә».