Идел буе федераль округы буенча Урман хуҗалыгы департаментында Арча һәм Кама урманчылыклары урман фонды территориясендә уздырылган урман корылышы эшләре йомгаклары буенча фикер алыштылар
Бүген Идел буе федераль округы буенча Урман хуҗалыгы департаментында Арча һәм Кама урманчылыклары урман фонды территориясендә урманнарны төзекләндерү хезмәтләре күрсәтү йомгаклары буенча икенче урман корылышы киңәшмәсе узды. Киңәшмә видеоконференция режимында Департамент башлыгы урынбасары Антон Трифонов рәислегендә узды.
Чарада ТР урман хуҗалыгы министрының беренче урынбасары Илгизәр Зарипов, ТР Урман хуҗалыгы министрлыгының дәүләт урман реестры, урманнардан файдалану һәм урман корылышы бүлегенең әйдәп баручы киңәшчесе Василий Чернов, «Рослесинфорг» ФДБУ Казан филиалы белгечләре һәм башкалар катнашты.
Төп доклад белән «Рослесинфорг» ФДБУ Казан филиалы директоры урынбасары Газинур Камалдинов чыгыш ясады. Ул Арча һәм Кама урманчылыкларында 86 мең га мәйданда 2024 елда башкарылган кыр һәм камераль эшләр турында сөйләде.
Аннан соң утырышта катнашучылар урман культураларының торышы һәм алдагы чорга урманнарны саклау һәм яңадан торгызу буенча проектлана торган чаралар турында фикер алыштылар.