Тәтеш урманчылыгы белгечләре актив рәвештә һөнәри юнәлеш бирү эшен алып баралар
«Тәтеш урманчылыгы» ТР ДКУ хезмәткәрләре гомуми белем бирү учреждениеләрендә һөнәри юнәлеш бирү буенча актив эш алып баралар. Бу атнада белгечләр Тәтеш районының Килдеш урта мәктәбе, И.Я.Яковлев исемендәге Кошки-Новотимбаево төп гомуми белем бирү мәктәбе, Богдашкино төп гомуми белем бирү мәктәбе, Урюм урта гомуми белем бирү мәктәбе һәм Кама Тамагы районының Олы Кариле урта гомуми белем бирү мәктәбе укучылары белән очраштылар.
Очрашулар барышында урманчылар мәктәп укучыларына Татарстан Республикасында урман хуҗалыгының роле һәм әһәмияте турында сөйләделәр. Алар төбәктә нинди урман культуралары, урманнарны яклау һәм урман хуҗалыгы эшләре алып барылуы турында җентекләп аңлаттылар, шулай ук балаларны тармак һөнәрләре һәм яшь белгечләргә ярдәм чаралары белән таныштырдылар.
Моннан тыш, укучылар Лубян урман-техник көллиятендә һәм Казан дәүләт аграр университетының урман хуҗалыгы һәм экология факультетында әзерлек юнәлешләре һәм уку шартлары турында да белделәр.