Аксубай урман хуҗалыгы белгечләре 2025 елгы урман культуралары сезонына әзерләнәләр

2025 елның 10 феврале, дүшәмбе

«Аксубай урман хуҗалыгы» ТР ДБУ хезмәткәрләре 2025 елгы урман культуралары сезонына әзерләнәләр. «Бүгенге көндә белгечләр чәчүлекләрне саклау максатыннан агач калканнар ясый башладылар, – дип сөйләде урман хуҗалыгы директоры Сергей Кузнецов. – Мондый калканнар күләгәләү өчен кулланыла. Алар үсемлекләр ассимиляция аппараты ясап, мөстәкыйль туклануга күчкән чорда шытымнарны турыдан-туры кояш нурларыннан сакларга булышалар».

Аның сүзләренә караганда, быел питомникларда чәчү 0,4 гектар мәйданда планлаштырылган. Нарат, чыршы, корычагач һәм каен орлыклары чәчеләчәк.