Арча урманчылыгы белгечләре һөнәри юнәлеш бирү эшен башкаралар
«Арча урманчылыгы» ДКУ белгечләре гомуми белем бирү учреждениеләрендә һөнәри юнәлеш бирү эше белән актив шөгыльләнәләр, яшьләрне урман ресурсларын саклау һәм торгызу белән бәйле һөнәрләр сайларга рухландырырга тырышалар. Әлеге мөһим инициатива кысаларында алар берничә мәктәп укучылары белән очрашулар үткәрделәр: Арча районының «Лесхоз УББМ» МБМУ, шулай ук Балтач районының «Балтач гимназиясе» МБМУ һәм «Борбаш УББМ» МБМУ.
Очрашуларда урманчылар үзләренең белемнәре һәм тәҗрибәләре белән уртаклаштылар, Татарстан Республикасының урман хуҗалыгы, урман культуралары, урманнарны саклау һәм урман хуҗалыгы эшләре турында сөйләделәр. Урманнарны янгыннан саклауга аерым игътибар бирелде – урман янгыннарын булдырмау өчен күрелергә тиешле чаралар һәм гамәлләр турында фикер алышынды. Укучылар куркынычларны киметү һәм табигатьне саклау өчен урманда үзеңне ничек дөрес тотарга кирәклеге турында белделәр.
Моннан тыш, белгечләр Лубян урман-техник көллиятенә әзерлек юнәлешләренә һәм уку шартларына тукталдылар. Алар бу уку йортында нинди һөнәрләр алырга мөмкин булуын һәм киләчәк карьерада нинди күнекмәләр файдалы булачагын җентекләп аңлаттылар.
Мондый очрашулар укучыларга урман хуҗалыгы өлкәсендәге һөнәрләр турында белемнәрен киңәйтергә генә түгел, бәлки киләчәктә һөнәр сайларга да ярдәм итә.