Республиканың урман тармагы белгечләре чыгарылыш сыйныф укучылары өчен һөнәри юнәлеш буенча очрашулар үткәрә
Бүген Менделеевск шәһәренең «2 нче урта гомуми белем бирү мәктәбе» МБМУ һәм Чаллы шәһәренең «10 нчы урта гомуми белем бирү мәктәбе» МБМУ чыгарылыш сыйныф укучылары өчен һөнәри юнәлеш бирү очрашулары узды. Мәктәп укучылары белән «Алабуга урманчылыгы» ДКУ участок урманчысы Ирек Сафин һәм «Лубян урман-техник көллияте» ДБҺБУ укытучысы Гөлнур Гаянова очрашты. Алар балалар белән үзләренең белемнәре һәм тәҗрибәләре белән уртаклаштылар, урман хуҗалыгы һәм экология өлкәсендәге һөнәрләр, шулай ук әйләнә-тирә мохитне саклауның әһәмияте турында сөйләделәр.
Ирек Сафин балаларга урманчылыктагы эшләре, табигать турында кайгыртуның һәм экосистемада баланс саклауның мөһимлеге турында сөйләде. Ул ассызыклаганча, урманнарны саклау һәм экология белән бәйле һөнәрләр бүгенге дөньяда көннән-көн актуальләшә бара. Гөлнур Гаянова, үз чиратында, укучыларны Лубян урман-техник көллиятенең уку программалары белән таныштырды, урман эше өлкәсендә урта һөнәри белем алу мөмкинлекләре һәм катнаш белгечлекләр турында сөйләде.
Укучылар фикер алышуларда актив катнаштылар, сораулар бирделәр, урман тармагында эшләү өчен нинди күнекмәләр һәм сыйфатлар кирәклеге белән кызыксындылар. Мондый очрашулар укучыларның белемнәрен киңәйтергә генә түгел, табигать һәм әйләнә-тирә мохит турында кайгырту белән бәйле һөнәр сайларга да ярдәм итә.