Лубян урман-техник көллияте студентлары «Һәр почмакка – «Чиста булачак» форумында катнаштылар
Узган атна азагында Зур Кукмара урта мәктәбе базасында «Һәр почмакка – «Чиста булачак» проектының икенче сезонын гамәлгә ашыру кысаларында беренче экологик агарту форумы узды. Анда Кукмара районының 33 мәгариф оешмасыннан 85 экоактивист, шул исәптән «Лубян урман-техник көллияте» ДБҺБУ студентлары катнашты.
Форум кысаларында экологик проектларны гамәлгә ашыру йомгаклары һәм 2025 елга бурычлар билгеләнде. Активистлар алдында Татарстан Республикасы Экология һәм табигать ресурслары министрлыгының экологик агарту һәм иҗтимагый оешмалар белән хезмәттәшлек бүлеге башлыгы Ольга Артемьева һәм «Чиста булачак» яшьләр экологик хәрәкәте җитәкчесе Анна Баймяшкина чыгыш ясады.
Форсайт-сессия командалар өчен практик мәйданчык булды. Активистлар экологик проектлар әзерләделәр: робот-җыештыручы өчен программа эшләү, киез материалдан кием ясау, шәһәрнең иҗтимагый яшелчә бакчасын оештыру һ.б.
Форумны Татарстан Республикасының «Чиста булачак» РМЭОО һәм Татарстан Республикасының Экология министрлыгы оештырды.