Татарстанда Халыкара урманнар көне кысаларында 100 артык чара уздырылды

2025 елның 21 марты, җомга

Бүген Татарстан Республикасында Халыкара урманнар көнен билгеләп үттеләр. Быел урман тармагы белгечләре бәйрәм уңаеннан мәктәпкәчә һәм гомуми белем бирү учреждениеләрендә үсеп килүче буынның урманнарның әһәмияте һәм аларның кеше тормышындагы роле турында хәбәрдарлыгын арттыруга юнәлдерелгән 100 дән артык чара оештырды.

Бәйрәм кысаларында дәресләр, лекцияләр, түгәрәк өстәлләр, конференцияләр, презентацияләр, мастер-класслар, Казан дәүләт аграр университетында тантаналы җыелыш һәм башкалар уздырылды.

ТР Урман хуҗалыгы министрлыгының урманнарны яңадан торгызу һәм урман үрчетү бүлеге башлыгы Тимур Галиев сөйләвенчә, максат укучыларга экологик агарту, экологик культура формалаштыру булган. «Халыкара урманнар көне – ул бәйрәм генә түгел, ул җәмгыятьнең игътибарын урманнарны саклауның мөһимлегенә тагын бер кат юнәлтү мөмкинлеге дә. Урманнар – планетабызның үпкәләре, алар экологик балансны саклауда һәм җирдә тереклекне тәэмин итүдә төп рольне уйный. Без алар турында кайгыртырга һәм бу кайгыртуны киләсе буыннарга тапшырырга тиеш», – дип билгеләде ул.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International