ТР Урман хуҗалыгы министрлыгы 2025 елда урманнарда янгын куркынычы сезонына әзер

2025 елның 27 марты, пәнҗешәмбе

Идел буе федераль округы буенча Урман хуҗалыгы департаментында ТР Урман хуҗалыгы министрлыгы һәм аның ведомство буйсынуындагы учреждениеләрнең урманнарда янгын куркынычы сезонына тикшерүләренә йомгак ясалды. Исегезгә төшерәбез, белгечләр 17-26 март көннәрендә урман янгыннары станцияләрен карап чыктылар.

Тикшерүләр барышында урман янгыннарын сүндерү станцияләренең техника, җайланмалар һәм урман янгыннарын кисәтү һәм сүндерү буенча башка чаралар белән комплектлануына, биналар һәм корылмаларның торышына, шәхси составны әзерләүгә һәм станция эшен регламентлаучы техник документлар булуына игътибар бирелде.

Тикшерү йомгаклары буенча ТР Урман хуҗалыгы министрлыгы 2025 елда урманнарда янгын куркынычы сезонына әзер дип бәяләнде.