Министр урынбасары Рәис Гомәров Мөслим, Зәй һәм Балык Бистәсе муниципаль районнарында булды
Бүген ТР урман хуҗалыгы министры урынбасары Рәис Гомәров Мөслим, Зәй һәм Балык Бистәсе муниципаль районнарына эш сәфәре кылды.
Мөслим районында министр урынбасары 2025 елның урман культуралары һәм янгын куркынычы сезонына әзерлек мәсьәләләре буенча киңәшмә үткәрде. Утырыш Мөслим авылында хакимият бинасында узды.
Катнашучылар урман торгызу эшләрен башкару һәм урманнарда янгын куркынычсызлыгын тәэмин итү мәсьәләләре буенча фикер алыштылар.
Зәй һәм Балык Бистәсе районнарында Рәис Гомәров ведомство буйсынуындагы учреждениеләрнең 2024 елдагы эшчәнлеге нәтиҗәләре һәм 2025 елга бурычлары буенча киңәшмәләрдә катнашты.
«Зәй урманчылыгы» ТР ДКУ һәм «Зәй урман хуҗалыгы» ТР ДБУ эшләренә Зәй шәһәрендәге хакимият бинасында йомгак ясалды. Докладлар белән җитәкче-урманчы Ирина Забродина һәм Кушниково кишәрлеге урманчысы, башлангыч һөнәри берләшмә оешмасы рәисе Александр Бычков чыгыш ясады.
«Кызыл Йолдыз урманчылыгы» ТР ДКУ һәм «Кызыл Йолдыз урман хуҗалыгы» ТР ДБУ коллективлары катнашында утырыш Балык Бистәсе бистәсендә хакимият бинасында узды. Ирешелгән нәтиҗәләр турында җитәкче-урманчы Нияз Таҗмиев, урман хуҗалыгы директоры Альберт Закиров һәм урман торгызу буенча инженер, профсоюз рәисе Иван Большаков сөйләде.
Рәис Гомәров ведомство буйсынуындагы учреждениеләр белгечләренә узган ел нәтиҗәле эшләгәннәре өчен рәхмәт белдерде.
«Бүгеннән урманнарда янгын куркынычы сезоны ачылды, – диде ул. – Барыгыздан да урманнарда патрульлек итүне көчәйтүегезне һәм урманда һәм урман фонды янында янгын чыгу ихтималы булган фактларга җавап бирергә тулы әзерлекне тәэмин итүегезне сорыйм».