Татарстанның урман тармагы белгечләре урманнарны янгынга каршы кору буенча комплекслы чаралар башкаруга керештеләр

2025 елның 2 апреле, чәршәмбе

Татарстанның урман тармагы белгечләре урманнарны янгынга каршы кору буенча комплекслы чаралар башкаруга керештеләр.

План нигезендә, быел 2395,2 км яңа янгынга каршы минераллаштырылган полосалар төзеләчәк һәм 4806,9 км озынлыктагы булган минераллаштырылган полосалар карап чыгылачак. Шулай ук 111,3 км озынлыктагы янгынга каршы юллар төзү һәм 426,5 км озынлыкта аларны үзгәртеп кору эшләре башкарылачак. Моннан тыш, урманнарга килә торган гражданнарның ял итү зоналарын төзекләндерү, янгын куркынычсызлыгы тематикасына мәгълүмат стендлары, аншлаглар һәм щитлар урнаштыру планлаштырыла.

Эшләр «Экологик иминлек» илкүләм проекты максатларына һәм бурычларына туры килә.