Бөек Ватан сугышы ветераннары: Петров Михаил Антонович
«Ветераннар китә, ләкин хәтер исән...» рубрикасын дәвам итәбез, анда Бөек Ватан сугышы геройлары, Татарстан Республикасының урман тармагы ветераннары турында сөйлибез. Бүген чиратта – ветеран Михаил Антонович Петров тарихы.
Михаил Петров 1911 елның гыйнварында Казан шәһәрендә туа. 1930 елда Казан урман-техник институтын тәмамлый, «инженер-урман төзүче» белгечлеген ала.
Укуын тәмамлагач, ул Казакъ АССР Семипалатинск шәһәрендә таксатор ярдәмчесе булып эшли башлый. Аннары Татарстанга кайта, Татлесхозтрестның урман төзелеше таксаторы, «Леспроект» Бөтенсоюз конторасының Татар районы Урман төзелеше партиясе башлыгы булып эшли.
Михаил Петров фронтка 1941 елның 5 августында алына. Сугыш вакытында Сталинград, Волхов, Ленинград, 3 нче Балтыйк буе, 1 нче Белоруссия фронтларында сугышта катнаша. 1945 елның ноябрендә демобилизацияләнә.
Сугыштан соң Михаил Петров Татарстан Урман хуҗалыгы идарәсенең урман саклау бүлеге башлыгы, өлкән инженер, урман әзерләү бүлеге башлыгы, урман чистарту эшләрен оештыру һәм башкару идарәсе башлыгы урынбасары булып эшли.
«Кызыл Йолдыз» ордены, «Сталинградны саклаган өчен», «Ленинградны саклаган өчен», «Берлинны алган өчен», «Варшаваны азат иткән өчен», «1941-1945 еллар Бөек Ватан сугышында Германияне җиңгән өчен» медальләре белән бүләкләнә.