Бөек Ватан сугышы ветераннары: Минһаҗев Миргалау Минһаҗетдин улы
«Ветераннар китә, ләкин хәтер исән...» рубрикасы дәвам итә, биредә без Бөек Ватан сугышы геройлары, Татарстан Республикасының урман тармагы ветераннары турында сөйлибез. Бүген ветеран Миргалау Минһаҗетдин улы Минһаҗев тарихы белән уртаклашабыз.
Миргалау Минһаҗев 1924 елның 5 июнендә Татарстан АССР Актаныш районы Пучы авылында туа.
Миргалау Минһаҗев фронтка 1942 елның 24 августында алына. Бөек Ватан сугышы вакытында диңгез авиациясендә сержант сыйфатында хезмәт итә. 1947 елның 17 февралендә демобилизацияләнә. «1941-1945 еллар Бөек Ватан сугышында Германияне җиңгән өчен», «Сугышчан казанышлар өчен», «Совет Заполярьясын саклаган өчен», «Жуков» медальләре, II дәрәҗә Ватан сугышы ордены, «Бөек Ватан сугышында Җиңүгә 25 ел» билгесе һ. б. белән бүләкләнә.
Сугыштан соң Миргалау Минһаҗев Минзәлә урман хуҗалыгына эшкә урнаша. Гомумән алганда, ул урман хуҗалыгына 40 елдан артык гомерен багышлаган. Намуслы хезмәте һәм үз эшенә тугрылыгы өчен «Мактау билгесе» ордены белән бүләкләнә.