Татарстан Республикасы урман хуҗалыгы министры Равил Кузюровның Җиңү көне белән котлавы
Хөрмәтле Бөек Ватан сугышы ветераннары һәм тыл хезмәтчәннәре!
Татарстан Республикасы Урман хуҗалыгы министрлыгы коллективы һәм шәхсән үз исемемнән сезне Бөек Ватан сугышында Җиңүнең 80 еллыгы белән котлыйм!
Бүген илебезнең иң әһәмиятле бәйрәмнәренең берсе – Җиңү көне билгеләп үтелә. Бу россиялеләрнең барлык буыннары өчен изге дата, ул халыкның рухи бердәмлеге, аның сыгылмас ихтыяры, батырлыгы һәм ныклыгы символына әверелде. Без бу Җиңүнең нинди бәя белән бирелгәнен беләбез, Ватаныбызның азатлыгы һәм бәйсезлеге өчен көрәштә нык калганнарның истәлеге буыннан-буынга тапшырыла, ул безне берләштерә һәм теләсә нинди сынауларда нык калырга ярдәм итә.
Сугыш елларында урман хуҗалыгы һәм агач эшкәртү сәнәгате хезмәткәрләре дә фронтка бәяләп бетергесез ярдәм күрсәтә. Сезнең гаҗәеп чыдамлыгыгыз, шулай ук фидакарьлегегез һәм бурычка тугрылыгыгыз барыбыз өчен дә үрнәк булып тора.
Быел Җиңүнең 80 еллыгы уңаеннан уздырыла торган «Хәтер бакчасы» халыкара акциясе тарихи хәтерне саклауга юнәлдерелгән тагын бер мөһим адым булып тора. Бу хөрмәт күрсәтү генә түгел, ә безнең киләчәк өчен уртак җаваплылыгыбызның гәүдәләнеше дә.
Хөрмәтле ветераннар һәм тыл хезмәтчәннәре, сугышчан һәм хезмәт батырлыкларыгыз өчен иң ихлас рәхмәт сүзләрен кабул итегез.
Сезгә һәм якыннарыгызга чын күңелдән ныклы сәламәтлек, иминлек, озын һәм бәхетле гомер телим!
Җиңү көне белән! Геройларыбызга мәңгелек хатирә!
ТР урман хуҗалыгы министры Равил Кузюров