Төзекләндерү буенча Татарстанның 2013 елгы иң яхшы урманчылыгы
2013 елның яз-җәй сезонына урман фондында 135 ял урыны корылды. Ял урыннарының үз проектларын министрлыкка республиканың барлык урманчылыклары да тапшырды. Проектларга таләпләр – урманның гармониясен бозмый торган кече архитектура формалары, үзенчәлек, федераль һәм республика әһәмиятендәге автомагистральләр буенда яисә халыкка уңайлы җирдә урнашу, шул җирдәге урманның токым составына туры килү иде.
Конкурс нәтиҗәләре буенча их яхшы дип Кызыл Йолдыз урманчылыгы танылды. Икенче урында Минзәлә, өченче урында Бөгелмә урманчылыклары. Аларның коллективлары Татарстан Республикасы Урман хуҗалыгының Мактау грамотасы белән бүләкләнәчәк. Министрлык комиссиясе шулай ук Әлмәт, Арча, Буа, Ары, Мамадыш, Түбән Кама һәм Шәһәр яны урманчылыкларының төзекләндерелгән урман мәйданнарын уңай бәяләде.