Татарстан белгечләре урман аударучылар арасында «Владимир өлкәсенең ZimAni кубогы» төбәкара ярышларында призер булдылар
«Муромцево урман-техник техникумы» югары һөнәри белем бирү ДБҺБУ базасында урман аударучылар арасында «Владимир өлкәсенең ZimAni кубогы» төбәкара ярышлары узды. Ярышларда Татарстан, Карелия, Чуашстан, Мари Эл, Мәскәү, Түбән Новгород, Брянск һәм Владимир өлкәләреннән белгечләр катнашты.
Татарстаннан «Нурлат урман хуҗалыгы» ТР ДБУ хезмәткәрләре Станислав Маринин, Николай Гришаков, Фидаил Адеев һәм Елена Сафиуллина, шулай ук «Лубян урман-техник көллияте» ДБҺБУ студенты Азат Фәсхетдинов чыгыш ясады.
Шартларга ярашлы рәвештә, конкурсантлар агач аудару, бензин пычкысының чылбырын алмаштыру, катнаш һәм төгәл кисү буенча биремнәрне башкардылар.
Татарстанлылар лаеклы нәтиҗәләр күрсәтеп, ярышларда призерлар рәтенә керделәр. Шулай итеп, Елена Сафиуллина хатын-кызлар зачетында 1 нче урын өчен көрәштә җиңеп чыкты. Николай Гришаков ир-атлар зачетында 2 нче урынны алды, шулай ук «Агач аудару» һәм «Төгәл кискәләү» күнегүләре нәтиҗәләре буенча 2 нче урынны алды. Фидаил Адеев ир-атлар зачетында 3 нче урынга һәм «Ботакларны кисү» күнегүе йомгаклары буенча 2 нче урынга лаек булды.
Шулай ук Татарстан командасы команда зачетында да 1 нче урынны алды.
Котлыйбыз!