ТР Урман хуҗалыгы министрлыгы: агач әзерләү техникасы паркы яңартылды
Татарстан Республикасы Рәисе Рөстәм Миңнеханов ярдәме белән быел ТР Урман хуҗалыгы министрлыгы карамагындагы учреждениеләрнең урман әзерләү техникасы паркы яңартылды. КАМАЗ базасында барлыгы 6 берәмлек сортимент ташучы һәм 10 берәмлек утын вату линиясе сатып алынды һәм урман хуҗалыкларына тапшырылды.
«Техника һәм җайланмалар сатып алу агач әзерләү һәм эшкәртү процессын оптимальләштерергә мөмкинлек бирәчәк, – дип аңлатма бирде Татарстан Республикасы Урман хуҗалыгы министрлыгының мөлкәт белән идарә итү, техник үсеш һәм хезмәтне саклау бүлеге башлыгы Нияз Имамиев. – Бу учреждениеләр эшчәнлегенең нәтиҗәлелеген күтәрергә, югарырак җитештерүчәнлек һәм хезмәт иминлеген тәэмин итәргә мөмкинлек бирәчәк».
Техника һәм җайланмалар «Татарстан Республикасының урман хуҗалыгын үстерү» дәүләт программасы кысаларында сатып алынды.