Чирмешән урманчылыгында 2025 елның 8 аенда урманнарны саклау, яклау һәм яңадан торгызу буенча башкарылган эшләргә йомгаклар буенча фикер алыштылар
Бүген «Чирмешән урманчылыгы» ДКУда 2025 елның 8 аенда урманнарны саклау, яклау һәм яңадан торгызу буенча башкарылган эшләргә йомгаклар турында фикер алыштылар. Утырыш эшендә ТР урман хуҗалыгы министры Равил Кузюров, Чирмешән муниципаль районы башлыгы Рамил Әйбәтов, район башкарма комитеты җитәкчесе Илнур Җамалетдинов, «Чирмешән урманчылыгы» ТР ДКУ җитәкче-урманчысы Алмаз Мотыйгуллин, «Чирмешән урман хуҗалыгы» ТР ДБУ директоры Николай Кваков, ведомство буйсынуындагы учреждениеләр белгечләре катнашты.
Төп доклад белән Алмаз Мотыйгуллин чыгыш ясады. Ул быел Чирмешән урманчылыгы территориясендә 36 гектар мәйданда урман торгызу эшләренең башкарылуы, 106,8 гектарда урман культураларын тулыландыру, питомникта 0,7 гектарда орлык чәчү эшләренең башкарылуы турында сөйләде.
«Контроль-күзәтчелек эшчәнлегенә аерым игътибар бирелде. Ел башыннан бирле урманнарда 763 патрульлек, 95 контроль-күзәтчелек һәм профилактик чара үткәрелде», - диде Алмаз Мотыйгуллин.
Министр Равил Кузюров ведомство буйсынуындагы учреждениеләр эшчәнлегенә югары бәя бирде. Ул шулай ук тоту өчен билгеләнгән урман бүлемтеген үзләштерү, урман комплексының федераль дәүләт мәгълүмат системасын кертү һәм башка мәсьәләләрне билгеләде.
«Моннан тыш, һичшиксез, ел ахырына кадәр барлык планлаштырылган чаралар буенча дәүләт йөкләмәләрен үтәүне тәэмин итү мөһим», – дип ассызыклады Равил Кузюров.
Чирмешән муниципаль районына эш сәфәре кысаларында министр шулай ук урман хуҗалыгының базислы урман питомнигын һәм «Лесовичок» мәктәп урманчылыгы питомнигын карап чыкты.