Министрлыкның эшләр идарәчесе Эльмира Шагаева Әлки һәм Спас муниципаль районнарына эш сәфәре кылды
Бүген ТР Урман хуҗалыгы министрлыгының эшләр идарәчесе Эльмира Шагаева ТР Әлки һәм Спас муниципаль районнарына эш сәфәре кылды. Максат – ведомство буйсынуындагы учреждениеләрнең 2025 елның 8 аенда эш йомгаклары буенча киңәшмәләр үткәрү.
«Әлки урманчылыгы» ТР ДКУ һәм «Әлки урман хуҗалыгы» ТР ДБУ коллективлары катнашында утырыш Базарлы Матак авылындагы урманчылык бинасында узды. Доклад белән җитәкче-урманчы Евгений Мулинов чыгыш ясады. Төп темалар арасында – урман торгызу күләмнәрен 10% ка арттыру, урманнарны янгынга каршы кору буенча чаралар комплексын уңышлы уздыру, шулай ук урман законнарын бозуга каршы көрәш.
«Болгар урманчылыгы» ТР ДКУ һәм «Болгар урман хуҗалыгы» ТР ДБУ эшчәнлегенә йомгаклар Болгар шәһәрендәге урманчылык бинасында ясалды. Җитәкче-урманчы Дмитрий Зарифуллин урманнарны саклау, яклау һәм яңадан торгызу буенча башкарылган эшләр турында җентекләп сөйләде. Аерым алганда, урманнарны карау һәм санитар кисүләр буенча план үтәлеше билгеләп үтелде. Чаралар 143,5 га мәйданда башкарылган.
Киңәшмәләр барышында көзге урман культуралары сезоны кысаларындагы эшләрне кадрлар белән тәэмин итү, финанслау, «Урманны саклыйк» Бөтенроссия акциясенә әзерлек һәм аны үткәрү мәсьәләләре каралды.