«Чиста мирас» экология олимпиадасында катнашуга гаризалар кабул ителә башлады
«Чиста мирас» экология олимпиадасында катнашуга гаризалар кабул ителә башлады. Теркәлү 26 сентябрьгә кадәр рәсми сайтта уза: https://чистоенаследие.рф
Үз белемнәрен республика гомуми белем бирү учреждениеләренең 5-9 сыйныф укучылары сынап карый ала.
«Чиста мирас» олимпиадасы берничә этапта узачак. Беренче читтән торып уза торган этабы 2025 елның 5 октябреннән 7 октябренә кадәр дәвам итәчәк. Ул катнашучылар https://чистоенаследие.рф сайтында хәл итә алачак тест биремнәреннән торачак.
Читтән торып узу этабында җиңүчеләр алга таба – 27 октябрьдән 1 ноябрьгә кадәр Әлмәт шәһәрендәге балаларны савыктыру лагерына юл тотачаклар. Турыдан-туры этапта катнашучыларны бурычлар гына түгел, экология өлкәсендә әйдәп баручы экспертлардан лекцияләр, мастер-класслар һәм тематик экскурсияләр дә көтәчәк.
Исегезгә төшерәбез, беренче тапкыр «Чиста мирас» олимпиадасы 2023 елда уздырылды. Ике ел эчендә анда 4,5 мең укучы катнашкан.